🇲🇽🌵 Avión xa quenta motores para unha das citas máis especiais do verán.O...

01/08/2026

🇲🇽🌵 Avión xa quenta motores para unha das citas máis especiais do verán.

O vindeiro venres 7 de agosto celebraremos a XX Festa Mexicana de Avión, unha xornada que rende homenaxe aos nosos emigrantes e aos fortes vínculos que unen Avión con México.

Será unha tarde e noite cheas de ambiente, con mariachis en directo, gastronomía mexicana, actividades gratuítas para os máis pequenos e moitas sorpresas nunha celebración pensada para desfrutar en familia e con amigos.

Quero convidarvos a todos a reservar esta data e a acompañarnos na Praza da Igrexa para vivir unha festa única, que xa forma parte da identidade do noso concello.

🇲🇽 Quero expresar tamén o meu máis sincero agradecemento ao cónsul honorario de México en Galicia, Alfonso Pereira, polo seu apoio e implicación nesta celebración, así como a todos os restaurantes colaboradores, que contribúen a facer posible unha festa que reforza os históricos lazos de amizade entre Avión e México.

Agardámosvos o 7 de agosto para compartir unha xornada inesquecible. ¡Viva México! ¡Viva Avión! 🇲🇽❤️